Бөгөн “Рәсәй тәме” конкурсы еңеүселәре билдәләнде. Тантана Мәскәүҙә - Ауыл хужалығы министрлығында үтте. “Бөтә илгә” номинацияһында еңеү яулаған аҙыҡ-түлек төрҙәрен Федерация Советының фән, мәғариф һәм мәҙәниәт буйынса комитеты рәйесе Лилиә Ғүмәрова иғлан итте.
Лилиә Ғүмәрова белдереүенсә, төбәк брендтарын үҫтереүгә ҡанундар ҙа булышлыҡ итә.
Иң яҡшы төбәк брендтарын асыҡлау маҡсатында ойошторолған “Рәсәй тәме” конкурсында Башҡортостан иң күп ғариза тапшырыусыларҙың береһе булды. Республика 26 заявка менән ҡатнашты.
