Өфөлә Халыҡ-ара бизнес аҙналағында ауыл хужалығы тармағын үҫтереү мәсьәләһе ҡаралды. Белгестәр үҙебеҙҙә етештерелгән аҙыҡ-түлеккә өҫтөнлөк биреү кәрәклеген иғтибарға алды. Бының өсөн төбәк брендтарын үҫтереү мөһимлеге билдәләнде. Форумда ҡатнашыусылар республикала агрокластер булдырырға тәҡдим итте. Ул аҙыҡ-түлек етештереүселәрен, уны эшкәртеүселәр һәм һатыусыларҙы берләштерергә тейеш.
