Республикаға ул 1200 данала килтерелде. Әлегә прививка медицина һәм социаль өлкә хеҙмәткәрҙәренә тәғәйенләнә. БСТ каналы хәбәрсеһе Рәмилә Исмәғилева яҙмаһы.
30 декабрҙә Элеонора Протасоваға вакцина яһатырға тағы килергә. Сөнки ковидтан прививка ике тапҡыр яһала, беренсеһенән һуң 21 көн үткәс. Ә яңы йылда куранттар һуҡҡанда сәләмәтлек теләп шампан шарабы күтәрмәйәсәк. Сөнки ярамай. Вакцинаның һөҙөмтәһе юғала, ти белгестәр.
Элеонора Протасова 5-се дауахана нигеҙендә эшләгән ковид-госпиталдә өлкән шәфҡәт туташы. Тәүҙә вахта менән, әле көнөнә йөрөп эшләй. Ауыр сирлеләрҙе дауалаған ханым үҙе ковид менән ауырымаған.
Башҡортостанға ковид- 19 вирусынан вакцина 1200 дозала килтерелгән. Ул медицина һәм мәғариф хеҙмәткәрҙәренә тәғәйенләнә.
Беҙҙең дауаханаға 100 кешелек вакцина килде. Уның 90-ы медицина хеҙмәткәрҙәре һәм 10-ы мәғариф хеҙмәткәрҙәре өсөн. Бер юлы биш кешегә ҡаҙайбыҙ, сөнки флаконда биш доза.
Вакцина яһатыр алдынан тәүҙә антиесем булыу-булмауына анализ бирергә кәрәк. Әгәр улар булһа, прививка яһатыу кәрәкмәй, ти табиптар.
Рәмилә Исмәғилева.
