Ғәҙәттән тыш хәлдәр буйынса дәүләт комитеты белгестәре фейерверктарҙың хәүефле булыуы хаҡында иҫкәртә. Пиротехниканы дөрөҫ ҡулланмау арҡаһында янғын сығыуы, кешеләрҙең зыян күреүе ихтимал. “Бындай тауар һатып алғанда иғтибарлы булырға кәрәк”, - ти эксперттар. Ҡанун буйынса, 16 йәше тулмағандарға фейерверк һатыу тыйыла. “Пиротехника уйынсыҡ түгел. Уның лицензияһын һәм сертификатын тикшерергә кәрәк”, - ти Өфөләге магазин етәксеһе Наил Усманов.
Үткән йылда яңы йыл байрамдарында республикала 140-ҡа яҡын янғын булған.
