Бөгөн георпактар буйынса Попечителдәр советының тәүге ултырышы үтте. Беренсе вице-премьер – Иҡтисади үҫеш һәм инвестиция сәйәсәте министры Рөстәм Моратов белдереүенсә, “Янғантау” геопаркында 3 ҙур проект ғәмәлгә ашырыла, “Торатау”ҙа иһә экологик һуҡмаҡтар булдырыу, шулай уҡ ҡунаҡ йорттары төҙөү планлаштырыла.
“Янғантау” геопаркы төбәк үҫешенә ҙур йоғонто яһай. “Бында туризмды үҫтереү өсөн яңы мөмкинлектәр асыла”, - тип иҫәпләй билдәле геолог Рәсих Хәмитов.
“Янғантау” геопаркы 2017 йылда булдырылды, ул Бойондороҡһоҙ дәүләттәр берләшмәһе илдәрендә ЮНЕСКО геопарктары селтәренә ингән тәүге биләмә булып тора. “Торатау”ға ла халыҡ-ара статус биреү ниәтләнә, әле тейешле материалдар әҙерләнә.
