Һуңғы ваҡытта туған телде өйрәнеүгә ярҙам иткән һанлы инфраструктура булдырыуға етди иғтибар бүленде. Был турала бөгөн вице-премьер Азат Бадранов белдерҙе. Ул Хөкүмәттә үткән оператив кәңәшмәлә башҡортса сығыш яһаны.
Мәҙәни проекттар ҙа башҡорт телен үҫтереүгә булышлыҡ итә, тине Азат Бадранов.
Быйыл Башҡорт дәүләт университетының башҡорт теле буйынса диссертация советы эше тергеҙелде. Беҙ мөһим мәсьәләне хәл иттек, тине Башҡортостан Башлығы Радий Хәбиров.
Бөгөн 19 сәғәттә “Башҡортостан” концерт залында Башҡорт теле йылын йомғаҡлау тантанаһы үтә. Уның барышын Башҡортостан юлдаш телевидениеһы тура эфирҙа күрһәтә.
