Был турала бөгөн Хөкүмәттә уҙған оператив кәңәшмәлә Республика Премьер-министры урынбаҫары Азат Бадранов белдерҙе. “Инновацион уҡыу йорттарында башҡорт һәм сит ил телдәрен өйрәнеү – юғары ҡиммәттәргә эйә булырға һәм үҙенсәлекле тәжрибә тупларға мөмкинлек бирә”, - тине вице-премьер.
Өфөнөң 44-се полилингваль мәктәбендә уҡытыу рус, башҡорт, инглиз һәм башҡа телдәрҙә алып барыла. “Уҡыусылар телдәрҙе теләп өйрәнә”, - ти директор урынбаҫары Айгөл Сәғитова.
Белем усағында уҡыусылар өсөн бай өҫтәмә белем биреү программаһы ҡаралған. “Киләсәктә балалар белемдәрен гуманитар йүнәлештә дауам итеүҙәренә ышанабыҙ”, - ти ата-әсәләр.
Бөгөн Өфөлә һәм Стәрлетамаҡ ҡалаһында өс мәктәп эшләй, 2024 йылға уларҙың һанын 14-кә еткереү ҡарала.
