Әле уның эше ғәҙәттән тыш хәл тәртибендә алып барыла. Фажиғә бөгөн төндә Ишбулды ауылында була. Ҡарттар һәм инвалидтар өсөн йорт яна, утта 11 кешенең ғүмере өҙөлә. Республика башлығы фажиғә урынында булды. Район хакимиәте башлығы Илдар Нафиҡов әйтеүенсә, әле пансионаттың өс тәрбиәләнеүсеһе дауаханаға оҙатылған, тағы ике кеше ваҡытлыса йәшәү пунктына урынлаштырылған.
