Бөгөн Һаулыҡ һаҡлау министры Максим Забелин онлайн брифингта прививка эшләтеү барышы менән таныштырҙы. Беҙҙең республикаға өс мең дозанан ашыу “Спутник V” вакцинаһы ебәрелде. Тәүге һынау сентябрҙә үтте. Унда ҡатнашҡан бөтә кешеләр үҙҙәрен яҡшы тоя, коронавирус йоҡтормаған. “Әле табиптар, уҡытыусылар, полиция һәм социаль хеҙмәткәрҙәре, шулай уҡ волонтерҙарға прививка яһала”, - тине Максим Забелин.
Уҙған тәүлектә республикала 155 кешегә коронавирус диагнозы ҡуйылған, ике кеше вафат булған.
