Башҡорт телен үҫтереүселәргә – махсус грант

Башҡорт телен һаҡлау һәм үҫтереү фонды Бөтә донъя башҡорттары ҡоролтайы менән берлектә конкурс иғлан итә. Бәйгенең маҡсаты – киң мәғлүмәт сараларында һәм социаль селтәрҙәрҙә башҡорт халҡының телен, мәҙәниәтен, тарихын популярлаштырыу, уға ҡыҙыҡһыныу уятыу, туған телдә контентты арттырыу.

Конкурста 18 йәше тулған, киң мәғлүмәт сараларында эшләгән журналистар, онлайн проекттар авторҙары, блогерҙар ҡатнаша ала. Бәйге шарттары һәм үткәрелеү тәртибе менән социаль селтәрҙә танышырға мөмкин.