Ул “Айыҡ ауыл” конкурсының төбәк этабында еңеү яулаған. Ауылға 260 йыл элек нигеҙ һалынған. Ул “Янғантау” геопаркына яҡын урынлашҡан. Сүрәкәйҙә йәшәүселәр ҡыҙыҡлы ярыштар ойоштора. Быйыл балалар өсөн майҙансыҡ төҙөлгән. Башҡортостандың атҡаҙанған рәссамы Иван Фартуков картиналар галереяһы асырға ниәтләй. “Яҡташтарым һәр яҡлап башҡаларға өлгө күрһәтергә тырыша”, - ти хеҙмәт ветераны, хаҡлы ялдағы уҡытыусы Минзилә Ҡорбанғәлиева.
Иртәгә Өфөлә “Айыҡ ауыл” республика конкурсының ойоштороу комитеты ултырышы үтә.
