Пандемия башланғандан алып, хәүефле вирус йоҡтороусылар һаны 17 мең 419-ға етте. Был турала бөгөн Хөкүмәттә үткән оператив кәңәшмәлә Һаулыҡ һаҡлау министры Максим Забелин белдерҙе.
Максим Забелин хәбәр итеүенсә, республикала 2 миллион 200 меңдән ашыу кешегә грипҡа ҡаршы вакцина яһалған. Башҡортостан башлығы Радий Хәбиров аталған һандар менән килешмәне.
Республикаға коронавирусҡа ҡаршы йәнә 1 мең 200 дана вакцина килтерелгән. Прививка тәү сиратта, медицина хеҙмәткәрҙәре, педагогтар, социаль хеҙмәткәрҙәр һәм күп функциялы үҙәк белгестәренә яһала.
