Бөгөн республикала профилактик операция башланды. Беҙҙең студия менән тура бәйләнештә Юл хәрәкәте хәүефһеҙлеге дәүләт инспекцияһы хеҙмәткәре Ленар Зиннуров.
Үткән аҙнала Башҡортостанда 79 юл ҡазаһы теркәлгән. Транспорт һәм юл хужалығы министры Алан Марзаев белдереүенсә, аварияла 8 кешенең ғүмере өҙөлгән, йөҙҙән ашыуы имгәнгән. Республикала иҫерек водителдәргә ҡаршы көрәш дауам итә. Уҙған аҙнала 312 эскән шофер ҡулға алынған. Уларҙың өсәүһе юл-транспорт ваҡиғаһына эләккән.
