Яңы йыл алдынан Иглин районы үҙәгендә яңы кинотеатр сафҡа инде

Урындағы мәҙәниәт йорто бинаһында урынлашҡан кинозалға район халҡының фекеренә нигеҙләнеп «Космос» тип исем бирелгән. 360 урынға иҫәпләнгән кинотеатр заманса тауыш һәм видеоҡорамалдар менән йыһазландырылған.

Хәҙер Иглиндә 2 д һәм 3 д форматтағы фильмдар күрһәтеләсәк. Физик мөмкинлектәре сикләнгән тамашасыларға тифлокомментарий һәм субтитрҙар ярҙамға килә. Иглиндәге кинозал республикала быйыл сафҡа ингән бишенсе кинотеатр.