Республика Башлығы Радий Хәбиров “Инвестиция сәғәте” ултырышын үткәрҙе. Унда йыллыҡ эшмәкәрлеккә йомғаҡ яһалды. Быйыл тематик ултырыштарҙа 143 проект ҡаралған. 2020 йыл һөҙөмтәһенә ярашлы беҙҙең республика иҡтисад өлкәһендә көйләү буйынса илдә иң яҡшы төбәк булған. Радий Хәбиров “Инвестиция сәғәте” ултырыштарына ҙур баһа бирҙе һәм инвесторҙары йәлеп итеү буйынса яңы алымдар эҙләү кәрәклеген белдерҙе.
