Нефтекама ҡалаһынан Яна Ғәббәсова федераль каналда барған “Голос” конкурсында беренселек яуланы. Яна йырсы Полина Гагарина командаһында сығыш яһаны. “Бындай көслө рухлы ҡыҙҙы бығаса осратҡаным юҡ ине”, ти остазы.
Яна Ғәббәсованы еңеүе менән республика мәҙәниәт министры Әминә Шафикова ла ҡотланы. “17 йәштә бөтә һынауҙарҙы үтеп төп призды еңеү – ҙур эш. Ғорурланабыҙ”, тип яҙа ул социаль селтәрҙә.
