Башҡортостанда быйыл яңы дауахана- поликлиникалар, фельдшер-акушер пункттары төҙөү, иҫкеләрендә капиталь ремонт башҡарыу һәм медицина ҡорамалдарын яңыртыуға 2 миллиард ярым һум йүнәлтелә. Аҡсаның күп өлөшө Федераль ҡаҙнанан, шулай уҡ республика бюджетынан бүленә. Республикала 35 поликлиника төҙөкләндерелә, Баймаҡ, Саҡмағош, Бөрө һәм Өфөлә яңы дауаханалар, райондарҙа фельшер-акушер пункттары төҙөлөшө лә дауам итә.
