Был турала социаль селтәрҙә Республика Башлығы Радий Хәбиров яҙа: “Программала ауыл халҡы әүҙем ҡатнаша. Үткән йылда ауылдарҙа 385 проект башҡарылған. Ҡалала – улар иҫәбе ике тапҡырға әҙерәк. Проекттарҙың төрлөләре бар. Мәҫәлән, Ағиҙел ҡалаһының “Йәйғор” балалар баҡсаһында тоҙ шахталары эшләнеләр, ә Павловкала урамда яҡтыртҡыстар урынлаштырылды. Программаның асылын иҫегеҙгә төшөрәм: уның кәмендә 3 процентын халыҡ үҙе, 15 процентҡа тиклемен муниципалитет, ҡалғанын бағыусылар, йә республика бюджеты ҡаплай. Инициативаларҙы быйыл да ҡеүәтләргә дауам итәбеҙ”, тип яҙа Радий Хәбиров.
