Был турала бөгөн Хөкүмәттә үткән оператив кәңәшмәлә Һаулыҡ һаҡлау министры Максим Забелин белдерҙе. “Әле 800-ҙән ашыу кеше станционарҙа дауалана, хәле ауыр булғандар ҙа бар”, - тине ведомство етәксеһе.
Оҙайлы Яңы йыл каникулдары сирлеләр һаны артыуына килтереүе мөмкин. Был турала Рәсәй Ҡулланыусылар хоҡуҡтарынн яҡлау хеҙмәтенең Башҡортостан идаралығы етәксеһе урынбаҫары Александр Жеребцов белдерҙе.
Башҡортостан Башлығы Радий Хәбиров белдереүенсә, коронавирус йоҡтороусылар артып киткән осраҡта, уларҙы дауалау өсөн буш урындар бар. Шулай уҡ дарыу запасы тупланған. Әйткәндәй, республикала КОВИД-ҡа ҡаршы Ситуация үҙәге эшен дауам итә. Уның телефоны: 218-19-19, Өфөнөң коды: 347. Үҙәккә иртәнге сәғәт 8-ҙән киске 8-гә тиклем шылтыратырға була.
