Йылылыҡ өсөн түләүҙәргә бәйле килеп сыҡҡан хәл буйынса Башҡортостан Башлығы ошондай күрһәтмә бирҙе. Радий Хәбиров Торлаҡ-коммуналь хужалыҡ министрлығына тиҙ арала ысынбарлыҡтағы хәлде күрһәтергә ҡушты.
Яңы йыл каникулдарында Башҡортостан Башлығы исеменә республикала йәшәүселәрҙән бик күп мөрәжәғәт килгән. Халыҡ йылылыҡ өсөн декабргә билдәләнгән сумма менән риза түгел. Төрлө баһалауҙар буйынса, йылылыҡ өсөн хаҡ 30 проценттан 70 процентҡа тиклем артҡан.
