Бөгөн был турала Башҡортостан Башлығы Радий Хәбиров белдерҙе. Ул Хөкүмәттә үткән оператив кәңәшмәлә 2021 йылға ҡуйылған төп мәсьәләләрҙе атаны. Коронавирус менән көрәште ул төп бурыс тип атаны.
2019 йылда республикаға федераль ҡаҙнанан - 19, былтыр 36 миллиард һум бүленгән. Радий Хәбиров билдәләүенсә, быйыл иҡтисадты нығытыу, “Алға” айырым иҡтисади биләмәһен үҫтереү бурысы тора. Башҡортостан етәксеһе торлаҡ төҙөлөшөн арттырыу кәрәклеге тураһында ла әйтте. 2030 йылға тиклем был күрһәткесте 4 миллион квадрат метрға еткерергә тейешбеҙ, тине Радий Хәбиров.
