Рәсәй матбуғаты көнө уңайынан ошондай сара йыл һайын ойошторолоп килә. Республика Матбуғат һәм киң мәғлүмәт саралары агентлығында төрлө конкурстар, ижади бәйгеләрҙә еңеү яулаған журналистарға дипломдар һәм бүләктәр тапшырылды. Бүләкләнеүселәр араһында Октябрьский ҡалаһының “Тыуған яҡ” газетаһынан Аида Ханнанова ла бар.
Бөгөнгө тантанала республиканың 3 тиҫтәнән ашыу журналисы тәбрикләнде. "Юлдаш" радиоһының Яңылыҡтар хеҙмәте Башҡортостан халыҡтары телдәрен үҫтереү, шулай уҡ Коррупцияға ҡаршы көрәште сағылдырғаны өсөн дипломдар менән бүләкләнде.
