Ҡаты ауырығандан һуң 48 йәшендә Риза Мәһәҙиев арабыҙҙан китте. Талантлы артист сәхнәлә 30-ҙан ашыу образ тыуҙыра, ул башҡарған ролдәр үҙенсәлекле булыуы менән тамашасы күңелен мәңгелеккә әсир итә.
Моңло йырсы һәм һоҡланғыс шәхес 2003 йылда Башҡортостандың атҡаҙанған артисы, 2010 йылда республиканың халыҡ артисы исемдәренә лайыҡ була. Мәрхүм менән хушлашыу бөгөн Салауат башҡорт дәүләт драма театрында үтте.
