Әле ул тест режимында сафҡа индерелгән. Бер роботтың хаҡы 8 миллион һумдан ашыу. Ҡоролма “Сулпан” сапҡысы өсөн деталдәр әҙерләүҙә файҙаланыласаҡ. Предприятие директоры Рәмил Баһауетдинов әйтеүенсә, етештерелгән продукцияға ауыл хужалығы баҙарында ихтыяж ҙур.
Заманса техника алыуға киткән сығымдың бер өлөшө дәүләт иҫәбенә ҡапланған. Киләсәктә предприятиела сапҡыстар йыйыу буйынса яңы цех асыу планлаштырыла.
