Был турала бөгөн хөкүмәттә үткән оператив кәңәшмәлә республика етәксеһе Радий Хәбиров белдерҙе.
Антиковид паспорт проекты февраль башында ғәмәлгә ашырыла башлай. Оператор бурысын Һанлы үҫеш министрлығы үтәй. Документ QR рәүешендә йәғни һанлы була. Уны алыу өсөн дәүләт хеҙмәттәре порталында теркәлепргә кәрәк. Антиковид паспорт льгота һәм ташламалар алыу мөмкинлеге бирә. Башҡортостан башлығы хакимиәте етәксеһе Александр Сидякин белдереүенсә, республика коронавирустан вакцина алыу яйға һалынған. Прививка яһау өсөн тейешле инфраструктура булдырыла.
Радий Хәбиров белдереүенсә, антиковид паспортын индергәндә кешеләрҙең шәхси мәғлүмәтен һаҡлауға ҙур иғтибар була. “Был проекттың маҡсаты – вакцина яһатыуға булышлыҡ итеү. Ошо саранан тыш, коллектив иммунитет булдырыу мөмкинлеге, тимәк эпидемияны еңеү юлы юҡ”, тине Радий Хәбиров.
