Бөгөн республика йәмәғәтселеге билдәле шағир, журналист Ринат Хәйретдиновты иҫкә ала. Уның тәүге шиғыры 4-се класта уҡығанда “Башҡортостан пионеры” газетаһында баҫыла. Тап ошо осорҙа ул үҙенә Ринат Хәйри псевдонимын ала. Яҙыусы Ғәлим Хисамов хәтирәләре.
“Ринат Хәйри районыбыҙҙы танытты. Уның һүҙҙәренә яҙылған йырҙарҙы бөгөн дә яратып башҡарабыҙ”, - ти шағирҙың яҡташы, үҙешмәкәр йырсы Рәсилә Басырова.
Ринат Хәйри 9 китап авторы.Вафатынан һуң, 1992 йылда “Эҙләйем һине” китабы һәм “Ҡорбан” романы өсөн уға республиканың Ғәлимов Сәләм исемендәге йәштәр премияһы тапшырыла.
