Башҡортостанға Спутник-V вакцинаһының 5 партияһы килтерелде, оҙаҡламай был һанды 1 миллион дозаға еткереү көтөлә. Сиргә ҡаршы коллектив иммунитет булдырыу өсөн республикала 2 миллиондан ашыу кешегә прививка яһау бурысы тора. Билдәле журналист, әүҙем йәмәғәтсе Шамил Вәлиев та вакцинация үткән. Ул прививканы үҙ теләге менән яһатҡан.
Шамил Вәлиев прививка яһатҡандан һуң кисерештәре менән уртаҡлаша.
Һуңғы тикшеренеүҙәр буйынса, Спутник-V вакцинаһы 92 процент осраҡта ыңғай һөҙөмтә бирә, был күрһәткес арта бара. Препарат ике өлөштән тора. Тәүгеһен яһатҡас, икенсеһенә тиклем 3 аҙна ваҡыт үтергә тейеш. Прививка эшләткәндән һуң, организмда сиргә ҡаршы 2 йыллыҡ иммунитет барлыҡҡа килә.
