Белем усағы 50 йыллыҡ юбилейын билдәләй. Ул баш ҡала советы депутаттарының башҡарма комитеты ҡарары буйынса, 1970 йылдың 1 сентябрендә асыла. 1999 йылдан танылған педагог Фатима Мостафина исемен йөрөтә. Менәүәрә Мәҡсүтова гимназияла 35 йылдан ашыу эшләй, оҙаҡ йылдар директор урынбаҫары була, бөгөн ул математиканан уҡыта. “Ғорурланырлыҡ ҡаҙаныштарыбыҙ күп”, - ти педагог.
Гимназияла башланғыс кластарҙа бөтә предметтар башҡорт телендә уҡытыла. “Беҙ туған тел һаҡсылары”, - ти Менәүәрә Мәҡсүтова.
Гимназия 50 йыллыҡ юбилейы уңайынан китап баҫтырырға ниәтләй. Әле материал туплана.
