Быйыл арҙаҡлы шәхестәргә арналған ҙур проекттар тормошҡа ашырыла. Улар менән бөгөн Өфөлә үткән Бөтә донъя башҡорттары ҡоролтайы матбуғат конференцияһында таныштырҙылар. Йәмәғәт ойошмаһы Президиумы рәйесе Эльвира Айытҡолова һөйләй.
Матбуғат конференцияһы барышында шулай уҡ башҡорт телен, мәҙәниәтен, тарихын һәм бөгөнгөһөн танытыуға йүнәлтелгән конкурс еңеүселәренә грант тапшырылды. Аҡсалата бүләк алыусылар араһында “Башинформ” мәғлүмәт агентлығы хәбәрсеһе Ләйлә Аралбаева ла бар. Ул тәьҫораттары менән уртаҡлашты.
Башҡорт телен һаҡлау һәм үҫтереүгә йүнәлтелгән грант ай һайын тапшырыла. Тулыраҡ мәғлүмәт менән Бөтә донъя башҡорттары ҡоролтайы сайтында танышырға була.
