"Өфөоргсинтез" заводында янғын арҡаһында халыҡты эвакуациялау барыуы тураһында ялған мәғлүмәт таратыусыларҙы асыҡлайҙар. Эске эштәр министрлығынан хәбәр итеүҙәренсә, социаль селтәрҙә Черниковкала йәшәүселәргә хәүеф янауы тураһында мәғлүмәттәр таралған. Был дөрөҫлөккә тап килмәй. Ялған хәбәр таратыусыларға 700 мең һумға тиклем штраф һәм 3 йылға төрмә ҡаралған. "Өфөоргсинтез" заводында янғындан һуң һауа тикшерелде, халыҡ өсөн хәүеф юҡ тип белдерелде.
