Ул боҙҙа мотоциклда уҙышыу буйынса тәүге Европа һәм донъя чемпионы, Советтар Союзындағы берҙән-бер алты тапҡыр донъя чемпионы. Уның ҡаҙаныштары һәм еңеүҙәре тураһында Бөтә Союз радиоһы һәм Үҙәк телевидение хәбәр итә, уның хаҡында үҙәк газеталар яҙа. Ғабдрахман Ҡадыров мотоспортты Башҡортостандың бренды булараҡ бөтә Советтар Союзына таныта. “Вечерняя Уфа” газетаһы хәбәрсеһе Рәшит Әйүпов.
“Ул ысынлап та легенда”, - ти танылған спортсының улы Артур һәм ейәне Артем Ҡадыровтар.
“Ғабдрахман Ҡадыровтың исеме халыҡ күңелендә йәшәй. Хәтер өсөн рәхмәт”, - ти спортсының ҡатыны, Башҡортостандың халыҡ артисы Нәзифә Ҡадырова.
Ғабдрахман Ҡадыров 1993 йылдың 31 июлендә 52 йәшендә вафат була. Ул Өфөлә Мосолман зыяратында ерләнгән. Спортсы йәшәгән йортҡа мемориаль таҡтаташ ҡуйылған. Баш ҡалалағы урамдарҙың береһе уның исемен йөрөтә.
