Дәүләт Йыйылышы - Ҡоролтай рәйесе Константин Толкачев билдәләүенсә, Башҡортостан Башлығы Мөрәжәғәтнамә үҙенең кешелекле булыуы менән айырылып торҙо. Ул депутаттар корпусына ғына түгел, иң беренсе, Башҡортостан халҡына арналды, тине парламент спикеры.
Пандемия арҡаһында уҙған йылдағы Мөрәжәғәтнамәлә ҡуйылған бурыстарҙың барыһы ла тулыһынса үтәлмәне. Шулай ҙа республика үҙен лайыҡлы тотто, ҡайһы бер тармаҡтар үҫеш күрһәтте, тине Константин Толкачев.
