Башҡортостан парламентына Мөрәжәғәтнамәһендә Радий Хәбиров беҙҙә илдә тәүгеләрҙән булып балаларҙы ашатыу стандарты һәм берҙәм меню индерелеүе тураһында белдерҙе. Федерация Советының мәғариф һәм мәҙәниәт комитеты рәйесе Лилиә Ғүмәрова билдәләүенсә, бөгөн Башҡортостан мәғариф системаһы үҫешенән тыш, башҡа өлкәләргә лә федераль аҡса йәлеп итеүгә ирешкән.
Өфөнөң 450 йыллыҡ юбилейы уңайынан яр буйҙары төҙөкләндерелә, Рус драма театры һәм дәүләт циркы яңыртыла. Шулай уҡ 6 спорт үҙәге төҙөү планлаштырыла.
