Дәүләт Йыйылышы-Ҡоролтай тәүге уҡыуҙа инвалид бала тәрбиәләгән ғаиләләрҙең ер алыу өсөн документтарын рәсмиләштереүҙе ябайлаштырыу тураһында закон ҡабул итте. Уға ярашлы, тейешле белешмәләр йыйыу яуаплы органдарға тапшырыу ҡарала. Республика парламенты рәйесе Константин Толкачев билдәләүенсә, ер биргән органдарға, ведомство-ара үҙ-ара эш итеү барышында, документтар йыйыу тиҙерәк һәм еңелерәк, шуға күрә был участканы рәсмиләштереүҙе тиҙләтергә тейеш.
