Финалға 54 ауыл үтте. Әле жюри ағзалары уларҙың ғаризаһын тикшерә. Бәйгенең финалы мартҡа тәғәйенләнгән һәм республика конкурсы еңеүселәре Өфөлә тәбрикләнеп, Башҡортостан башлығының грантына лайыҡ буласаҡ. Быйыл бүләк фонды 40 миллион һумға еткерелде. Әбйәлил районынан финалда Таштимер ауылы ҡатнаша. Урындағы халыҡ байтаҡ эштәр атҡарып, район конкурсында еңеү яуланы ти, ауыл биләмәһе башлығы Илүзә Ғәйнуллина.
3 февралдә “Айыҡ ауыл” республика конкурсы барышында күсмә берҙәм ғаилә консультациялары ойоштора.
