Белем усағы башҡорт теле һәм туған телдәрҙе һаҡлау һәм үҫтереүгә йүнәлтелгән конкурста күрше төбәктәрҙә башҡорт йәкшәмбе мәктәптәрен асыу проекты менән еңеп сыҡҡан. Был проект сиктәрендә Башҡортостан делегацияһы Силәбе өлкәһендә урындағы район һәм ҡала хакимиәттәре менән осрашыуҙар уҙғарҙы. Мәғариф һәм фән министрлығының Милли мәғариф идаралығы етәксеһе Булат Зинуров һөйләй.
Башҡорт йәкшәмбе мәктәптәре эшен март айында башлау планлаштырыла. Әлеге көндә күрше өлкәләрҙә башҡорт телен 4 меңдән ашыу уҡыусы өйрәнә.
