Бөгөн республика биләмәләрендә епшек ҡар яуа, юлдарҙа ҡар һырынтылары, урыны менән елдең көсәйеүе күҙәтелә. Юлдағыларға дистанция һәм тиҙлекте һаҡлау зарур. Һауа торошона бәйле бөгөн Өфө-Ырымбур трассаһында транспорт хәрәкәте сикләнгән. Киске сәғәт 6-ға тиклем йөк автомобилдәре, автобус һәм таксиҙарға бынан йөрөү тыйылған. Шулай уҡ Өфөгә йөк автомобилдәренә инеү сикләнгән. Ҡағиҙә киске сәғәт 10-ға тиклем ғәмәлдә. Һауа торошона ҡарап сикләүҙәр оҙайтылыуы ихтимал.
