Коронавирус менән сирлеләрҙе дауалау өсөн октябрь айынан бында ваҡытлыса госпиталь ойошторолғайны. Республика буйынса әлеге көнгә 9 дауахана үҙ йүнәлеше буйынса дауалауға күскән, тип хәбәр итәләр һаулыҡ һаҡлау министрлығынан. Коронавирус йоҡтороусылар һаны тотороҡло ҡала. Үткән тәүлектә 165 кешелә был диагноз раҫланған, үлем осраҡтары икәүгә артҡан. Пандемия башланғаны бирле 24 мең ярымдан ашыу кешелә был йоғошло сир раҫланған.
