Ошо көндәрҙә контактһыҙ түләү ҡоролмаһы менән тәүге 290-сы маршрут юлға сыҡты. Транспорт һәм юл хужалығы буйынса дәүләт комитетынан хәбәр итеүҙәренсә, пластик банк картаһы һәм “Алға” берҙәм транспорт картаһы менән иҫәпләшергә мөмкин. Был алым водителдәрҙе эшенән бүлдермәй, төп иғтибарын юлға йүнәлтеүгә булышлыҡ итә. Ул шулай уҡ коронавирус инфекцияһы мәлендә айырыуса актуаль, тип биләләйҙәр ведомствонан.
