Дәүләт тәбиғәт ҡурсаулығына ғалим Александр Рюмин исемен биреү мәмерйәнең исеме юғалыуға хәүеф тыуҙырмай. Күсемһеҙ мәҙәни мираҫ объекттарын һаҡлау һәм файҙаланыу буйынса ғилми-етештереү үҙәге етәксеһе Данир Ғәйнуллин шундай фекерҙә.
Данир Ғәйнуллин был эште атҡарыр алдынан йәмәғәт фекерен иҫәпкә алыу мотлаҡ, тип иҫәпләй.
Хәбәр итеүебеҙсә, “Шүлгәнташ” дәүләт тәбиғәт ҡурсаулығы директоры Николай Косарев ҡурсаулыҡҡа Александр Рюмин исемен биреү башланғысы менән сыҡҡан.
