Бөгөн Башҡортостандың халыҡ шағиры Назар Нәжмиҙең тыуған көнө. Әҙиптең тыуған яғы - Дүртөйлө районында уны иҫкә алыу саралары үтә. Миңеште ауылында Назар Нәжмиҙең ике ҡатлы йорт-музейы бар. Унан йыл әйләнәһенә кеше өҙөлмәй. Уҡытыусы Зилә Сабирова әйтеүенсә, Миңеште ауылындағы һәр урын Назар Нәжми эҙҙәрен һаҡлай.
Дүртөйлөлә Назар Нәжми исемендәге район премияһы булдырылған. Ошондай бүләккә эйә булған замандаштарыбыҙҙың береһе - шағирә, журналист Фәниә Ғәбиҙуллина.
Өфөлә Назар Нәжмигә һәйкәл урынлаштырыу планлаштырыла. Әле уның проектына конкурс иғлан ителгән.
