Бөгөн Стәрлебаш районында туған телде уҡытыу буйынса яңы проект менән таныштырҙылар. Ул ”Балалар баҡсаһы тәрбиәсеһенең “Остаз” педагогик оҫтаханаһы” тип атала. Мифтахетдин Аҡмулла исемендәге Башҡорт дәүләт педагогия университеты вәкилдәре әҙерләгән проект Башҡортостан Башлығы грантына эйә булды. “Проект сиктәрендә башҡорт телен өйрәнеү балалар баҡсаһынан башлана. Уҡытыу башҡорт теленең өс диалектын иҫәп алып үткәрелә”, - ти Башҡорт филология факультеты деканы Ләлә Хөсәйенова.
