Өфөнөң Төньяҡ зыяратында урынлашҡан “Дан аллеяһында” Бөйөк Ватан һуғышы ветерандары мемориалы тергеҙелде. Уны вандалдар емергән булған. Тантаналы сарала Өфө ҡала хакимиәте, хәрби комиссариат вәкилдәре, һуғыш ветерандарының яҡындары ҡатнашты. “Халыҡ бәхете” бөтә донъя коммерция булмаған хәйриә мәғариф фонды идараһы рәйесе Андрей Мусин белдереүенсә, уға Анатолий һәм Нина Наговицындарҙың туғаны шылтыратҡан һәм ҡәберҙең емерелеүе хаҡында хәбәр иткән.
Анатолий Степанович Наговицын 1926 йылдың 25 авгусында Бөрөлә тыуған. Совет-япон һуғышы башланғас, беренсе Алыҫ Көнсығыш фронтына оҙатыла. Андрей Мусин һөйләй.
“Халыҡ бәхете” хәйриә фондына Дәүләт Йыйылышы – Ҡоролтай депутаты Вячеслав Рябов ярҙам иткән.
