Республика хөкүмәте премьер-министры Андрей Назаров ошо хаҡта кәңәшмә уҙғарҙы. Ул әйтеүенсә, берлек республика өсөн мөһим, ул төҙөлөш тармағын үҫтерергә тейеш. Быға тиклем күп фатирлы йорттар социаль әһәмиәттәге объекттарҙы иҫәпкә алмай төҙөлгән. Һөҙөмтәлә, бер нисә мең халыҡ кәрәкле инфраструктураһыҙ ҡалған. Хәҙер был проблема иғтибар үҙәгенә алына, төҙөлөш проектына мәктәп, балалар баҡсаһы һәм дауаханалар индерелә, тине Андрей Назаров. Ултырышта ассоциация вәкилдәре составы һәм етәкселәре һайланды, шулай уҡ киләсәккә маҡсаттар билдәләнде.
