Башҡортостан Башлығы ҡала бала табыу йортонда булды. Бында былтыр капиталь ремонт үткәрелде, яңы йыһаздар ҡуйылды. Радий Хәбиров әйтеүенсә, 2024 йылға Ишембайҙа муниципаль-ара перинаталь үҙәк төҙөлә. Республика Башлығы поликлиникала ла булды. Бында былтыр октябрҙә компьютер томографы ҡуйылған. Ҡала буйлап сәфәре барышында Радий Хәбиров Беренсе Нефть табыусылар майҙанын яңыртыу тураһында белдерҙе. 2022 йылда беренсе нефть ятҡылығын үҙләштерә башлауға 90 йыл тула.
