Халыҡ-ара туған телдәр көнөнә арналған сара иртәгә уҙғарыла. Был диктант балалар өсөн дә, ололарға ла туған телеңә, милли хәтереңә иғтибар һәм ихтирам билдәһе, ти Башҡортостан халыҡтары ассамблеяһы Советы рәйесе, Дәүләт Думаһы депутаты Зөһрә Рәхмәтуллина.
Акция өсөн төп майҙансыҡтар Өфөлә була. Республика Милли китапханаһында - башҡорт, Милли музейҙа - рус, Башҡорт дәүләт педагогия университетында - татар, сыуаш йәкшәмбе мәктәбендә – сыуаш, Мишкә районында мари һәм Тәтешлелә удмурт телендә диктант яҙырға мөмкин.
