Был турала Премьер-министр Андрей Назаров Сибайға эш сәфәре барышында белдерҙе. Уның әйтеүенсә, әле Сибайға ошондай статус биреү буйынса әүҙем эш алып барыла. Башҡортостанды Рәсәйҙең биш алдынғы төбәге рәтенә индереү маҡсаты ҡуйылған. Урал аръяғы Республика иҡтисадына өҫтәмә йөк булмаҫҡа, киреһенсә иҡтисади үҫешкә булышлыҡ итергә тейеш, тине Андрей Назаров. Башҡортостанда әле Күмертау, Бәләбәй, Белорет, Нефтекама һәм Благовещен йылдам үҫеш биләмәләре бар.
