“Көйөргәҙе районы Яңы Муса ауылы һәм Белорет районы Уҫманғәли ауылы бөтә донъя селтәренә тоташтырылды. Әле 10 райондағы 30 ауылда интернет үткәреү эштәре бара”, - тип яҙа социаль селтәрҙәрҙә Башҡортостан Башлығы. “Уңайлы интернет” программаһы Республика Хөкүмәте һәм “Башинфорсвязь” ойошмаһы ярҙамында тормошҡа ашырыла. Уның буйынса быйыл 300-гә яҡын бәләкәй һәм төпкөл ауылға интернет үткәрелә.
