Республика Хөкүмәте Премьер-министры Андрей Назаров үткәргән ултырышта төбәк операторҙары эшмәкәрлеге ҡаралды. 1 февралдән өс биләмәлә сүп-сар йыйыу тарифы арттырылды. Төбәк операторҙары ҡаты көнкүреш ҡалдыҡтарын сығарыуҙы ваҡытында башҡарырға, майҙансыҡтарҙы тәртиптә тоторға һәм сүп-сар эшкәртеүҙе башларға тейеш, тип белдерҙе Андрей Назаров.
Ошо көндәрҙә район һәм ҡала хакимиәттәре башлыҡтары сүп-сар йыйыу урындарын ҡарап сыҡты. Премьер-министр Андрей Назаров Өфөлә күп ҡатлы йорт алды майҙансыҡтарында булды. Төбәк операторҙары вәкилдәренә иҫкәрмә яһалды һәм тейешле күрһәтмә бирелде.
