Президент 2018 йыл Олимпия уйындарында ҡатнашыу хоҡуғынан мәхрүм ителгән Рәсәй спортсылары менән осрашасаҡ. Сара 16 февраль Мәскәүҙә үтәсәк.
Хәтерегеҙгә төшөрәбеҙ, Өфө “осоусы саңғысыһы”на Пхенчхандағы Олимпиадала ҡатнашырға рөхсәт бирелмәне. Халыҡ-ара олимпия комитеты 2001 йылғы дисквалификацияны иҫәпкә алған, тип фараз ҡыла Дмитрий Васильев үҙе. Ул саҡта спортсыла фуросемидҡа ыңғай допинг-проба асыҡлана.
Һөҙөмтәлә, атлет ярыштарҙа ике йыл ҡатнашмай, ҡайһы бер ҡаҙаныштары ғәмәлдән сығарыла. Дисквалификация арҡаһында, шул иҫәптән, Васильев 2002 йылғы Ҡышҡы Олимпия уйындарынан да ситтә ҡалды.
